Wednesday, December 16, 2009

கொன்ஸ்பிரஸி தியரி. (Conspiracy theory)


பொதுவாக தியரிகள் என்றாலே அவை சிக்கலானவைதான். ஆனால் தியரிகள் பற்றி கற்க கற்க, அவற்றைப்பற்றி அறிந்து, யதார்த்த வாழ்வின் ஒவ்வொரு செயல்களுடனும் ஒப்பிட்டு உற்று நோக்கும்போது நாம் செய்யும் சிறு செயல்கள் கூட ஒரு அதிசயமான விடயமாகவும், உலகின் பாரிய மாற்றங்கள்கூட சிறு துரும்புபோன்றதாகவும் கூட தென்படவாய்ப்புக்கள் உண்டு.
இவ்வாறான குவான்டம் தியரி, ரிலேட்டிவிட்டி தியரி, ஹெயாஸ்தியரி, போன்ற பல தியரிகள் தொடர்பான விடயங்களை நீங்கள் கண்டிப்பாக அறிந்தோ, கேள்விப்பட்டோ இருப்பீர்கள்.

இந்த வகையில் கொன்ஸ்பிரஸி தியரி ஒரு வகையில் சுவாரகசியமான ஒன்றுதான். வெளிப்படையாக கூறப்படும் ஒரு நிகழ்வு, ஒரு அனர்த்தம், வரலாறு, சம்பவம் என்பவற்றின் உள்ளே நடந்திருக்கும், ஆனால் உலகத்தின் பார்வையில் மறைக்கப்பட்டிருக்கும் விடயங்களை (சதிகளை) பெரும்பாலும் ஆதாரங்கள் அற்று, ஆனால் ஏற்றுக்கொள்ளக்கூடிய ஒரு ஊகத்தின் அடிப்படையில் விவாதிப்பதே கொன்ஸ்பிரஸி தியரி என்று சொன்னால் ஒருவிதத்தில் அது சரியானதே.
தற்கால நிகழ்வுகள், அரசியல் அமைப்புக்கள், ஆட்சிமுறைகள், யுத்தங்களின் நோக்கங்கள், நிர்வாக நடைமுறைகள், வினோதங்கள், அமானுச சக்திகள், விஞ்ஞான முடிவுகள், மருத்துவம், ஊடகம் என பல துறைகளின் உள்ளேயும் இந்த கொன்ஸ்பிரஸி தியரி தாராளமாகவே ஊடுருவிவிட்டது என்பதே தற்கால யதார்த்தம். ஒரு வகையில் கடந்த மே மாதம் 17ஆம் திகதிமுதல் உலகத்தமிழர்கள் அனைவர் மத்தியிலும் இந்த கொன்ஸ்பிரஸி தியரி தாராளமாகவே தனது வேலையினை காட்டத்தொடங்கி தற்போதும் அது தொடர்கின்றது என்பது வேறுகதை.

சில உலக நடைமுறைகள், புதிய கண்டுபிடிப்புக்கள், உலக பரப்புரைகள், இயற்கை அனர்த்தங்கள் பற்றி கொன்ஸ்பிரஸி தியரி, இவைகள் வெளிப்படையாக தெரிபவையாக இருந்தாலும், உலக மக்களின் பார்வையினை மாற்றுவதன் நோக்கமாக அதன் உள் விடயங்கள், சில சதிகள் மூலம் பொய்யாக வழங்கப்படுகின்றன. சில செயல்களின் பின்னால் சதிகள், பொய்கள், மறைப்புக்கள் உண்டு, என தொடர்ந்து விவாதித்து வருகின்றன.
இதேவேளை உலகத்தில் பிரபலமடையவும், உலக மக்களின் சீரான பாதையினை குழப்பவும், நாசவேலைகளை புகுத்தவும், மக்களின் மனங்களை சலனமடையச் செய்யவும் சிலர் இந்த கொன்ஸ்பிரன்ஸி தியரியை கையில் எடுத்து சதி செய்கின்றனர் என அதற்கெதிரான குற்றச்சாட்டுக்களும் இல்லாமல் இல்லை.
சரி இன்றைய உலகில் முக்கியமான சில சம்பவங்களுடன் இந்த கொன்ஸ்பிரன்ஸி தியரி சித்தரிக்கும் உண்மைகளை ஆராய்ந்துபார்ப்போம்.

உலகம் வெப்பமயமாதல்; என்பதில் உள்நோக்கம்.
இன்று உலகம் வெப்பமடைகின்றது, சுழல் பாரிய அளவில் மாசடைந்துசெல்கின்றது, இதன் மூலம் காலநிலையில் மாற்றங்கள் ஏற்படத்தொடங்கிவிட்டன, பூமி வெப்பமாதலினால், வடதுருவத்தில் பனிக்கட்டி உருகுதல் முதல் பல்வேறு இயற்கை அனர்த்த ஆபத்துக்கள் தோன்றிவிடும், எனவே உலக வெப்பமடைதலை உடனடியாகத் தடுத்து நிறுத்தவேண்டும் என வளர்ச்சியடைந்த நாடுகள் இன்று துள்ளிக்குதிப்பதை அவதானித்திருப்பீர்கள். உண்மைகளை சற்று ஆழமாக சிந்தித்துப்பாருங்கள், பூமி வெப்பமடைதலுக்கும், ஓசோன் ஓட்டை விழுந்ததற்கும், இயற்கைக்கு முரணாக செயற்பாடுகளை செயற்படுத்திப்பார்த்தவர்களும் இந்த அபிவிருத்தி அடைந்த முதலாம் உலக நாடுகளே.
தங்கள் வேலைகள் அனைத்தையும் பக்காவாக செய்து முடித்தபின்னர் இன்று, பூமி வெப்பமாகிவருவதும், காலநிலை மாற்றும் இயற்கை அனர்த்தங்கள் என்பன அவர்களின் கண்களில் படுகின்றன.

பூமி வெப்பமடைதலுக்கு முக்கிய காரணமானவர்களே முதலாம் உலக நாடுகளே, அனால், தங்கள் தேவைகள் அனைத்தையும் செய்துவிட்டு, இன்று மூன்றாம் உலக நாடுகளின் முன்னேறத்தை தடுக்கும் ஒரு கபடநோக்க எண்ணமாகவே அவர்கள் இந்த பூமி வெப்பமாதல் என்ற பதத்தினை தூக்கிப்பிடித்து, அவர்களை கிடுக்குப்பிடி பிடித்து பல ஒப்பந்தங்களை செய்து, அவர்களின் தொழில் வளர்ச்சி, அணுத்திறன்களை தடுக்கின்றார்கள் என தற்போது கொன்ஸ்பிரன்ஸி தியரியை கொண்டு பல அறிஞர்கள் மற்றய பக்கத்தினை தெளிவுபடுத்திவருகின்றனர்.
அண்மைக்கால நிகழ்வுகள். ஒப்பந்தங்கள், முதலாம் உலக நாடுகளின் மூன்றாம் உலக நாடுகள் மீதான அழுத்தங்களை மிக அவதானமாக ஒரு தடவை கவனித்துப்பாருங்கள் இந்த விவாதங்களிலும் உண்மை இருப்பதுபோலத்தான் தோன்றும்.

2004 சுனாமி தாக்கம் இயற்கையானது இல்லை.
2004ஆம் ஆண்டு டிசெம்பர் மாதம் 26ஆம் திகதி ஏற்பட்ட சுனாமித்தாக்கம் இயற்கையாக கடலடித்தடத்தில் ஏற்பட்ட நிலநடுக்கத்தினால் உருவானதாக தெரிவிக்கப்பட்டிருந்தது.
இந்த சுனாமித்தாக்கம் காரணமாக இந்தோனேசியா, இலங்கை, போன்ற பல நாடுகளில் பெரும் உயிர்சேதங்களும், பொருட்சேதங்களும் உண்டாகியிருந்தன.
எனினும் இந்த சுனாமித்தாக்குதல் இயற்கையானது இல்லை எனவும், கடலடித்தளத்தில், பரீட்சித்துப்பார்க்கப்பட்ட ஒரு அணுகுண்டுப்பரிசோதனையோ, அல்லது சக்திமிக்க இரு வாயுக்களை சேர்த்து பரிசீலனை செய்யப்பட்டதாலோதான் இந்த சம்பவம் உண்டானதாக கொன்ஸ்பிரஸி தியரியின்படி அடித்து வாதாடிவருகின்றார்கள் பல அறிஞர்கள்.

இதற்காக காத்திரமான பல எடுத்துக்காட்டுக்களையும், சான்றுகளையும் அவர்கள் காட்டியுள்ளனர். அதாவது 1997ஆம் ஆண்டு அமெரிக்க சி.ஐ.ஏ. உயர் அதிகாரி ஒருவர், கடலின் அடிப்பரபில் சக்தி மிக்க குண்டுகளை வெடிக்கவைத்து நாசகார வேலைகளை செய்யும் அழிவுக்கு தற்போது உலகநாடுகளில் பயங்கரவாத அமைப்புக்களும் விஞ்ஞானத்தில் முன்னேறிவிட்டார்கள் என கூறியதை தொட்டுக்காட்டியுள்ளர் கொன்ஸ்பிரஸி தியரிக்காரர்கள். அதாவது இவரது கூற்று நிரூபிப்பது என்னவென்றால் கடலின் அடித்தளங்களில் மிகச்சக்தி மிக்க வெடிப்புக்களை உண்டாக்கக்கூடிய கண்டுபிடிப்பு உள்ளது என்பதும், அதனால் அழிவுகள் நிற்சயம் என்பதும் ஆகும். தங்கள் வசம் அதை ஏற்கனவே கொண்டுள்ளதனால்த்தான் அவரால் இவ்வாறு ஒரு அறிக்கையினை விடுக்கமுடிந்திருந்தது என அவர்கள் சுட்டிக்காட்டியுள்ளனர்.
இதேவேளை 1944 மற்றும், 1945ஆம் ஆண்டுகளில் அமெரிக்கா தென் பசுபிக் கடலடித்தளத்தில் நடத்திய அணுகுண்டு பரிசோதனையினை அடுத்து நியூசிலாந்தை இராட்சத அலைகள் தாக்கிய சம்பவத்தையும் சுட்டிக்காட்டியுள்ளனர்.

சந்திரனில் நீல் ஆம்ஸ்ரோங் இறங்கியது பொய்.
20ஆம் நாள், ஜூலை மாதம், 1969 ஆம் ஆண்டு, புஸ் அல்ரின், மைக்கெல் கொலின் மற்றும் நீல் ஆம்ஸ்ரோங் ஆகியோர் சந்திரனை நோக்கி பயணித்த அப்பல்லோ 11 அண்டவெளி ஊர்தி, சந்திரனை தொட்டதாகவும், அன்றைய தினம் அதில் நீல் ஆம்ஸ்ரோங் முதன்முதலாக கால் அடி எடுத்து சந்திரனில் வைத்ததாகவும், பின்னர் அவர்கள் மூவரும் சந்திரனில் இருந்து பூமியை கண்டு படமெடுத்ததாகவும் பின்னர் அங்கு அமெரிக்க கொடியினை நட்டு தமது பயண வெற்றியை கொண்டாடிவிட்டு. பூமி திரும்பியதாகவும் தெரிவிக்கப்படுகின்றது.

ஆனால் 1969ஆம் ஆண்டு சந்திரனை அடையக்கூடிய அத்தனை துல்லியமான வசதிகள் இருந்திருக்கவே இல்லை எனவும், இது ஒரு ஜோடிக்கப்பட்ட கதை எனவும், உலக மக்கள் அனைவருமே முட்டாள்களாக்கப்பட்டுவிட்டனர் எனவும் கொன்ஸ்பிரஸி தியரிகள் அடித்துச்சொல்கின்றன.
சந்திரனின் எடுத்தவை என வெளியிடப்பட்ட புகைப்படங்களை வைத்தே இவை சந்திரன் இல்லை. சந்திரனைப்போல ஜோடிக்கப்பட்ட ஒரு இடத்தில் இவை எடுக்கப்பட்டன. எனவும் சந்திரனின் பள்ளங்களை அடிப்படையாக வைத்தும், அதேவேளை காற்றழுத்தம் குறைந்து காற்று வீசவே முடியாத இடத்தில் அமெரிக்க கொடி மட்டும் எப்படி பறப்பதுபோல தோன்றுகின்றது என்ற மிகப்பெரிய கேள்வியையும் கொன்ஸ்பிரஸி தியரி கேட்கின்றது.

செப்ரெம்பர் 11 தாக்குதல் எதிர்பாராதது அல்ல.
செப்ரெம்பர் 11 ஆம் திகதி 2001ஆம் ஆண்டு அமெரிக்க இரட்டை கோபுரத்தின் மீதான தாக்குதல் சம்பமானது, திட்டமிட்டே அமெரிக்காவினாலேயே நடத்தப்பட்டதாகவும், இதன் மூலம் பல நாடுகளின் உள் விடயங்களில் அமெரிக்கா தலையிட எண்ணியதாகவும் கொன்ஸ்பிரஸி காரர்களின் வாதங்களில் இதுவும் ஒன்றாக உள்ளது.
அதாவது இந்த தாக்குதல் அமெரிக்காவால் எப்போதோ தீர்மானிக்கப்பட்டதாகவும், திட்டமிட்ட வகையில் இந்த தாக்குதல் நடைபெறுவதற்கு முன்னதே இதற்கான ஆயத்தங்களை அமெரிக்க மெல்ல மெல்ல ஆரம்பித்துவிட்டதாகவும் மேலும் கூறப்படுகின்றது.

அதாவது, குறிப்பிட்ட தினத்தில், அந்த இடத்தில் அதிக மக்கள் வராது இருப்பதற்கான நடவடிக்கைகளை ஆறு மாதங்களின் முன்னதாகவே இரகசியமான முறையில் செயற்படுத்த தொடங்கப்பட்டதாகவும் அடுத்து, விமானம் மட்டும்மோதி, ஒருபோதும் முழுக்கட்டமும் இப்படி சாம்பலாக விழுந்து நொருங்காது எனவும், விமானமோதுகையுடன் உள்ளேயும் சக்திமிக்க குண்டுகள் முன்னதாகவே வைக்கப்பட்டு வெடிக்கச்செய்யப்பட்டுள்ளன எனவும், இத்தனை மாடித் தட்டுக்களை கொண்டிருந்த கீழ்த்தளம் எவ்வளவு பலமானதாக இருந்திருக்கவேண்டும், விமானத்தாக்குதல் காரணமாக ஒருபோதும் பலமிக்க உறுதியான கீழ்த்தளம் கடதாசி அட்டைபோல மடிந்துவிடமுடியாது எனவும் தொடர்ந்தும் வாதிட்டுவிருகின்றார்கள்.

ஆகவே தியரிகள் சில குழப்பங்களை உண்டாக்கினாலும் சிலவேளைகளில் அவை உண்மைகளாகக்கூட இருக்கும், நான் முன்னதாவே சொன்னதுபோல கொன்ஸ்பிரஸி தியரி சுட்டிக்காட்டும் முறைகளும், சதிகளின் புலனாய்வும் அறிவதற்கு ஆர்வத்தையும், சுவாரகசியத்தையும் கூட்டுகின்றதல்லவா? அவை முழுவதையும் உங்களுடன் பகிர ஆசைப்படுகின்றேன், எல்லவற்றையும் ஒரே பதிவில் தந்தால் என்ன நீளமாக இருக்கின்றதே என பலர் வேறு தளங்களுக்கு சென்றுவிடவும் கூடும் எனவே நீங்கள் நினைத்துப்பார்க்காத, முழுமையாக நம்பும் பல விடயங்களும் பொய் என்று கொன்ஸ்பிரஸி தத்துவங்கள் அடித்துச்சொல்கின்றன.
அது பற்றியும் அடுத்த பதிவில் தொடராகப்பார்ப்போம்.
சதிக்கோட்பாடுகள் தொடரும்..

Sunday, December 6, 2009

ஞாயிறு ஹொக்ரெயில் (06.12.2009)

சங்கீத சாகரத்திற்கு இதய அஞ்சலிகள்.
யாழ்ப்பாணத்தின் புகழ்பூத்த முதன்மை சங்கீத வித்வானும், உலகப்புகழ் பெற்றவருமான சங்கீத பூசஷணம் லயனல் திலகநாயகம் போல் அவர்கள் நேற்று இயற்கை எய்திய செய்தி பெரும் அதிர்ச்சியை உண்டாக்கியுள்ளது.
தமிழகத்தின் அண்ணாமலை பலக்லைக்கழகத்தில் சங்கீத மேற்பட்டத்தை பெற்று, அங்கு கல்வி கற்றவர்களில் யாழ்ப்பாணத்தைச்சேர்ந்த முதலாவது “சங்கீத பூஷணம்” என்ற பட்டத்தை முறைப்படி பெற்றவர் இவராவார்.

இவர், சுர ராகநய விநோத சுரபி, இலங்கை அரசின் கலாபூஷணம், கலைச்செம்மல் ஆகிய பட்டங்களையும் பெற்று கௌரவிக்கப்பட்டுள்ளார்.
நீண்ட நாட்களாக யாழ்ப்பாணம் மத்திய கல்லாரி சங்கீத ஆசிரியராக இருந்து, அப்போது அங்கு கல்வி கற்ற எங்கள் மீதெல்லாம், அளவு கடந்த அன்புகொண்டு, சங்கீதப்பால் சொரிந்து, இந்த காக்கைகளையும் சுரம்பாடும் குயில்களாக மாற்றிய என் பெருமதிப்புக்குரிய என் குருநாதரும் அவரே ஆவார்.
இலங்கையில் ரூபவாஹினி தொலைக்காட்சி, மற்றும் இலங்கை ஒளிபரப்புக்கூட்டுத்தாபனம் என்பவற்றின் முதற்தர கலைஞராகவும் இவர் திகழ்ந்துள்ளார்.

இலங்கை தவிர, இந்தியா, சிங்கப்பூர், மலேசிய மற்றும் பல ஐரோப்பிய நாடுகளிலும் இசை கச்சேரிகளை நடத்திய இவர் யாழ்ப்பாண கர்நாடக இசை வரலாற்றில் மிக முக்கியமான இடத்தை பெற்றுள்ளார்.
இறுதியாக உதவிக்கல்விப்பணிப்பாளராக கடமையாற்றி ஓய்வு பெற்றுக்கொண்ட இவர் நேற்று சனிக்கிழமை (05.12.2009) இயற்கை எய்தியபோது அவரது வயது 68.
ஒரு உன்னதமான, பாராட்டி வளர்த்த ஒரு குருநாதரை தொலைத்துவிட்ட பரிதவிப்புடன், அவரது பிரிவில் துயருற்றிருக்கும் அவரது குடும்பத்தாருடன் அவரது மாணவனான நானும் இணைந்துகொள்கின்றேன்.

தமிழே உன்னை தாலாட்டி மகிழ்ந்தே பாடுவேன்…
அமரர்.எல்.திலகநாயகம் அவர்களுடைய கச்சேரியில் இருந்து…


இந்திய பிரதான கட்சிகள் கையில் எடுத்திருக்கும் பிரமாஸ்திரங்கள்.
இந்திய பிரதான கட்சிகளில் ஆளும் கட்சியான காங்கிரசும், பிரதான எதிர்க்கட்சியான பி.ஜே.பியும் தற்போது ஒருவரை ஒருவர் தாக்க பிரமாஸ்திரங்களை மாறி மாறி ஏவத்தொடங்கியுள்ளனர் என்பது இப்போது தெரியவருகின்றது.
பாபர் மசூதி இடிக்கப்பட்ட நாள் இன்றாகும். பாபர் மசூதி இடிக்கப்பட்டதன் பின்னணியில் பி.ஜே.பிக்கு முக்கியபங்கு உண்டு என எப்போதோ அறிந்த விடயத்தை, தற்போது அறிக்கையாக்கி காங்கிரஸ் கொக்கரித்து, பி.ஜே.பி மேல் இனி தலையெடுக்கமுடியாதபடி பாரிய அடியும், அழுத்தமும் கொடுக்க முனைந்துகொண்டிருக்கும் வேளையில், பி.ஜே.பி. காங்கிரஸை வீழ்த்த எடுத்துள்ள பிரமாஸ்திரம் ஈழப்பிரச்சினை. அதாவது ஈழத்தில் இந்த அழிவுக்கும், அங்கு நடந்த அவலங்களுக்கும் காங்கிரஸ் கட்சியே காரணம் என்ற மற்றும் ஒரு எப்போதோ அறிந்த விடயத்தையும் அஸ்திரங்களாக கைகளில் எடுத்துள்ளனர்.

நாடாளுமன்றத்தில் நேற்று முன்னைய தினம் பி.ஜே.பி. ஈழத்தமிழர்கள் மேல் காட்டிய அளவு கடந்த திடீர் அக்கறையும், புதுப்பிக்கப்பட்ட காலாச்சார, இரத்த உறவும் ஆச்சரியத்தையே உண்டாக்கியுள்ளது.

இதிலும் சுஸ்மா சுவராஜ் அம்மையார் மிகவும் உணர்ச்சிவசப்பட்டு, தனது தாய்மையின் உணர்வையும், இரத்த உறவு தாகத்தையும், இடைக்கிடையே தமிழிலும், பாரதியார் பாடல் வரிகளை குறிக்கோள் இட்டு பேசிய அக்கறையினையும் கண்டு, அங்கிருந்த ம.தி.மு.க கட்சியினரே திகைத்துப்போய்விட்டனராம். அத்தனை ஆவேசமாக, ஈழத்தின் அவலங்களையும், அதற்கு காரணமாக இருந்த காங்கிரஸையும் ஒரு பிடி பிடித்திருக்கின்றார்.
உண்மையில் சந்தோசம்தான், கொலை செய்யப்படும்போது தடுக்காமல், பிணம் எரிந்துகொண்டிக்கும்போது, கொலைக்கு உடந்தையானவர்களைப்பார்த்து கத்துவதில் ஈழத்தமிழர்களுக்கு ஏதும் நன்மைகள் கிடைத்துவிடப்போவதாக தெரியவில்லை.

குறும்படம்.
நாங்கள் பூமியின் கீழே (சிங்களக் குறும்படம்)


சர்தாஜி ஜோக்
ஷர்தாஜி -நான் இறப்பதென்றால் எனது பெரிய தந்தையாரைப்போல தூங்கிக்கொண்டே சுகமாக இறக்கவேண்டும். அவர் இறக்கும்போது 44பேர் அவர் கூடவே இறந்தார்கள் தெரியுமா?
மற்றவர் - அதெப்படி உன் பெரியப்பா தூங்கத்தில் அல்லவா இறந்தார்??
ஷர்தாஜி – ஆம்…அவர் பஸ் வண்டி ரைவராக அல்லவா இருந்தார்.

Saturday, December 5, 2009

கிறிஸ்மஸ் விருந்தாக த்ரீ இடியட்ஸ்

எதிர்ரும் 25ஆம் திகதி கிறிஸ்மஸ் விருந்தாக திரைக்கு வரவிருக்கின்ற பொலிவூட் திரைப்படம் த்ரீ இடியட்ஸ் (Three Idiots) இரசிகர்களிடம் பெரும் எதிர்பார்ப்பினை உண்டாக்கியுள்ளது குறிப்பிடத்தக்கது.
அமீர்கான், மாதவன், ஷர்மன் ஜோஸி ஆகிய மூவரும் பிரதான பாத்திரங்களாக த்ரீ இடியட்ஸாக நடித்துள்ளனர்.
இவர்களுடன், கரினா கபூர், போமன் ஈரானி அகியோர் இடம்பெற்றுள்ளனர். இதை தவிர இந்த திரைப்படத்தின் விசேடமான ஒரு பாத்திரத்தில் கஜோலும் நடித்துள்ளதாக தெரிவிக்கப்பட்டுள்ளது.

விது வினோத் சோப்ரா தயாரிப்பில், ராஜ்குமார் ஹிரானியின் இயக்கத்தில் தயாராகி வெளிவருவதற்கு காத்துக்கொண்டிருக்கின்றது இந்த த்ரீ இடியட்ஸ் திரைப்படம்.
சந்தனு மௌய்ட்ரா இந்த திரைப்படத்திற்கு இசையமைத்துள்ளார்.
ஷர்மன் ஜோஸி இந்த திரைப்படத்தில் வரும் பாடல் ஒன்றையும் பாடியுள்ளார் என்பது சிறப்பான அம்சமாகும்.

இந்திய பிரபல ஆங்கில எழுத்தாளர் சேட்டன் பகத்தினுடைய “பைவ்பொயின்ட் ஸம்வன்” (Five Point Someone) என்ற நாவலினை வைத்தே இந்த திரைப்படத்தின் கதை உருவாக்கப்பட்டுள்ளது.
“இந்த திரைப்படம் எடுப்பதற்கு தன்னிடம் அதன் இயக்குனர் முறைப்படி அனுமதி பெற்றிருந்ததாகவும், தான் இந்த திரைக்கதையில் எந்த பங்கினையும் கொள்ளவில்லை என்றும், இருந்தபோதிலும் சில மாற்றங்களை செய்யவும், இயக்குனர் தன்னிடம் அனுமதி பெற்றதாகவும், இருப்பினும் இறுதியில் அந்த திரைப்படத்திற்குரிய இறுதி திரைக்கதை அமைப்பு முழுவதையும் தனக்கு காண்பித்தாகவும், அந்த திரைக்கதையும் தனக்கு மிகவும் பிடித்துள்ளதாகவும் சேட்டன் பகத் கூறியுள்ளார்.

இதேவேளை இவருடைய பிற நாவல்களான “வன் நைட் அட் த கோல் சென்டர்”
(One Night @ the Call Center) “ஹலோ” என்ற திரைப்படமாகவும், “த்ரீ மிஸ்ரேக் ஒவ் மை லைவ்”( The Three Mistakes of My Life) 3M என்ற திரைப்படமாகவும் எக்கப்பட்டுள்ளமை குறிப்பிடத்தக்கது.

த்ரீ இடியட்ஸ் திரைப்படத்தின் கதை மூன்று டபிள் ஐ.ரி. (IIT) மாணவர்கள் பற்றிய ஒரு கதை. இந்த கதையில் குறும்புத்தனம், இவர்களின் இலட்சியங்கள், தங்களுக்குள்ளான சவால்கள், அவர்களின் போராட்டங்கள் என்ற சகலதும் அடங்கியிருக்கும் என அதன் இயக்குனர் தெரிவித்துள்ளார்.

அடுத்து ஒரு முக்கிமான விடயம் அமீர்கான், மாதவன் அகிய நாற்பதுகள் கடந்த இரண்டு நடிகர்களையும், 30கள் கடந்த ஷர்மன் ஜோஸியையும் மீண்டும் 21 வயதுக்கு கொண்டுவந்த மாயம்தான். இந்த திரைப்படத்தில் மூவரும் இளமைத்தோற்றத்திலேயே காட்சியளிப்பது அனைவரையும் திரையில் அதிசயிக்கவைக்கும் எனவும் சொல்லப்பட்டுள்ளது.
(வேட்டைக்காரன் ரொம்ப சேட்டைக்காரனாகும் பச்சத்தில் த்ரீ இடியட்ஸ்ம், ஹொலிவூட் த்ரீ டி திரைப்படமான “அவதாரும்” மனதை ஆற்றிக்கொள்ள ஏதுவாக இருக்கும்)

Monday, November 30, 2009

ஒரு கரு நான்கு கதைகள்!



முன்கதைச்சுருக்கம்:

[அழகான மாலையொன்றில் கடற்கரையில் நண்பர்கள் நால்வர்(நிலாரசிகன்,அடலேறு,ஜனா,
அதிபிராதபன்) சந்தித்தோம். அப்போது ஜனா ஒரு சிறுகதைக்கான மிகச்சிறந்த கருவை எடுத்துரைத்தார். அம்மா அப்பா குழந்தை மற்றும் ஓர் இராணுவ வீரன் - இவர்கள்தான் கதையில் நடமாடும்
பாத்திரங்கள். நாங்கள் நால்வரும் ஒரே கதையை வெவ்வேறு கோணத்தில் எழுதி இருக்கிறோம்.
குழந்தையின் பார்வையில் சொல்லப்பட்ட கதையாக நிலாரசிகனும்,
அம்மாவின் பார்வையாக அதிபிரதாபனும்,அப்பாவின் பார்வையாக அடலேறுவும்,இராணுவ வீரனின்
பார்வையாக ஜனாவும் எழுதி இருக்கிறோம். நான்கு கதைகளும் ஒரே நேரத்தில் வலையேற்றம் செய்யப்படுகின்றன.
மற்ற மூவர்களுக்கான சுட்டி கதையின் முடிவில் கொடுக்கப்பட்டிருக்கிறது. வாசித்து உங்களது பின்னூட்டத்தை
பதிவு செய்யுமாறு கேட்டுக்கொள்கிறோம்.]

“புத்தம் சரணம் கச்சாமி”

நான் கோப்ரல் லயந்த கர்ணாகொட.
சொந்த இடம் நொச்சியாகம அனுராதபுரம்.

யுத்தம் முடிந்துவிட்டது என சக இராணுவ வீரர்களின் (“ஜெய வேவா”) வெற்றிக்கோசங்கள் என் காதுகளை வந்தடைந்த நாள். உண்மையில் நான் பெரு மகிழ்ச்சி அடைந்தேன். என் நினைவுகளில் சிறுகச்சிறுக நான் என் கிராமத்தில் கட்டிக்கொண்டிருக்கும் வீடும், என் மனைவி சாமிலியும், ஐந்துவயதை தொட்ட என் செல்ல மகள் காமலியும் நினைவுகளில் வந்துபோனார்கள். இவை எல்லாவற்றையும் மேலாக என் உயிருக்கு 90 சதவீதமான ஆபத்து தவிர்கப்பட்டுவிட்டது என்பதே அப்போது என் சந்தோசத்திற்கு முக்கியமான காரணமாக இருந்தது.
அடுத்து தெய்வ புண்ணியத்தாலோ என்னமோ நான் கடந்த ஆறுமாத காலத்திற்கு முன்னதாக வன்னி பெருநிலப்பரப்பில் உள்ள உயிலங்குளம் மோதல்களில் தலையில் காயமடைந்த நிலையில் வவுனியா மருத்துவமனையில் சிகிற்சை பெற்று, கடந்த மாதம்தான் பணிக்கு திரும்பியதால், இறுதி யுத்தத்திற்காக அனுப்படவில்லை.

இறுதி யுத்த களத்திற்கு செல்லவில்லை என்றாலும், வவுனியா பிரதான முகாமில் பணியில் இருந்த என்னால், இறுதி நாட்களில் நடந்த யுத்தத்தின் கோரங்களை ஊகிக்க முடிந்தது. மரணமடைந்தும், காயமடைந்தும் வரும் இராணுவ வீரர்களின் தொகை உச்சத்தில் வந்துகொண்டிருந்தபோதே அங்கே நடப்பது ஒரு பூகம்பம் என்பதை அப்போதே புரிந்துகொண்டிருந்தேன். இறந்த நிலையில் வந்து குவிந்த ஒவ்வொரு இராணுவ வீரனின் உடலை கடக்கும்போதும், பெருங்கவலைகளுக்கு மத்தியிலும் என்னை காப்பாற்றியதற்காக புத்த பகவானுக்கு மானசீகமாக நன்றிகளை கூறிக்கொண்டிருந்தேன்.

அடடா..இந்தியாவின் நேரடி நெறியாள்கையில், சீனாவின் முழு ஆசீர்வாதத்துடனும் தேவையான வளத்துடனும், பாகிஸ்தானின் நவீன ரக ஆயுதங்களின் அணிவகுப்புடனும், ரஷ்யாவின் ராங்கிகளுடனும், இன்னும் பல பிறநாடுகளின் பின் பலத்துடன், இந்திய செய்மதி தகவல் வழங்கலுடன் என பெரும் உலக பலம் கொண்டு நின்ற எம்முடன், தனித்து நின்று மோதி இத்தனை இராணுவ வீரர்களுக்கு சேதம் விளைவித்த எதிரணியினரை நினைத்தால் அப்போது எனக்கு மலைப்பாவே இருந்தது.

வெற்றிக்கழிப்பிலும், கொண்டாட்டங்களிலும் ஒருவாரம் போனது. இந்த நிலையில்த்தான் வன்னியில் இருந்து இடம்பெயர்ந்து அரசாங்கத்தினால் அமைத்துக்கொடுக்கப்பட்ட கொட்டகைகளில் அடைக்கப்பட்ட மக்களை காவல்காக்கும் கடமைக்கு என்னையும் நியமித்து அங்கு செல்லும்படி பணிப்பும் வந்திருந்தது. அங்கிருந்து வந்தவர்களை பார்க்க என ஒரு ஏழனத்துடனும், ஒருவித சந்தோசத்துடனும்தான் நான் அங்கே சென்றிருந்தேன்.
பாரிய முள்வேலியால் சுற்றிவர அடைக்கப்பட்ட பெரியதொரு நிலப்பரப்பில் சிறு சிறு கூடாரங்களுக்குள் மக்கள் கூட்டம் அடைக்கப்பட்டிருந்தார்கள். கிளர்ச்சியாளர்களும் மக்கள் மத்தியில் இருக்கலாம் என்றும் எனவே கடுமையாகவே அவர்களுடன் நடந்துகொள்ளவேண்டும் என மேலிடத்தினரால் நாம் அறிவுறுத்தப்பட்டிருந்தோம்.

அங்கு நான் இதுவரை பார்த்திராத வித்தியாசமான பல காட்சிகளையும், வேதனையான பல முகங்களையும், காயமடைந்த நிலையில் முனகும் பலரையும் பார்த்தேன். என்னமோ தெரியவில்லை இவர்களும் எங்கள் நாட்டவர்கள்தான் என்ற எண்ணம் எனக்கு கடுகளவும் வரவில்லை என்பதே உண்மை.
என் காவல் நிலையத்திற்கு முன்னால் இருந்த கூடாரத்தினுள்; உள்ளே நடப்பது அனைத்தும் எனக்கு தெளிவாக தெரியும்படி இருந்தது.
அங்கே மூன்று முதிய பெண்களும், இரண்டு முதிய ஆண்களும், எப்போதும் சிணுங்கலுடன் ஒரு அழகான சிறுமியும் தெரிந்தார்கள். ஏதோ ஒரு உந்துதலின் காரணமாக நான் அந்த இடத்தில் அருகில் சென்று கவனித்தேன்.
அங்கிருந்த மூதாட்டி ஒருவருக்கு சிங்களம் தெரியும் என்பதால் என்னிடம் சிங்களத்தில் பேசினார்;.

மக்கள் அனைவரும் இடம்பெயர்ந்து வரும் வழியில் இந்த சிறுமி பெற்றோர்களை தொலைத்துவிட்டு, பரிதவித்து நின்றதாகவும், கடும் குண்டு வீச்சுக்கு மத்தியில் அங்கே நின்றால் ஆபத்து என, தாம்தான் இந்த குழந்தையினை தூக்கி வந்ததாகவும், வரும் வழியில் பல்லாயிரக்கணக்கான மக்களின் பிணங்களை கடந்தே வந்ததாகவும், இந்த சிறுமியின் பெற்றொரும் இறந்துபோயிருக்கலாம் என்று சொல்லி, இத்தனை கோரங்கள் கொடுமைகளையும் பார்த்துவிட்டோம், இறைவா இந்த பிறப்பில் நீ எங்களுக்கு செய்த அற்புதங்கள் போதுமய்யா, மீண்டும் ஒரு பிறப்பை மட்டும் தந்துவிடாதே, தந்தாலும் மனிதராக, அதுவும் தமிழனாக பிறவியை தந்துவிடாதே என அந்த மூதாட்டி சொல்லி அழுதாள்.
கைகளில் ஒரு பொம்மையை வைத்துக்கொண்டே அடுத்த மூதாட்டியின் பின்னால் ஒட்டிக்கொண்டு அச்சத்துடன் என்னை சரிந்தபடி பார்த்தாள் அந்த சிறுமி.

மிகத்தெளிவான அவளது கண்களும், ஒழுங்காகச்சீவாமல், பிசிறு பிசிறாக இருந்த அவள் தலைமுடியும், களையான முகமும் முதல் முதலாக என் இதயத்தில் இரக்கம் கொள்ளவைத்தது.
அவளது கைகளில் இருக்கும் பொம்மை மிகவும் அழுக்காக இருந்தது. ஆனால் அவள் அந்த பொம்மையினை ஒருபோதும் கைவிடுவதற்கு தயாரானதாக தெரியவில்லை. அவளது கண்களில் மட்டும் ஏதோ ஒரு செய்தி காத்திருந்ததுபோல எனக்கு தோன்றிக்கொண்டே இருந்தது. என்னவென புரிந்துகொள்ளமுடியாத ஒரு பார்வை அது. அந்த பார்வைக்கு அர்த்தம், ஏக்கமா?, கோபமா?, வெறுப்பா?, பயமா? என புரிந்துகொள்ளமுடியவில்லை.

மாலை மங்கி இருள் சூழ ஆரம்பித்தது. அங்கிருக்கும் முதியவர்களுடன் அந்த சிறுமி எதற்கோ அடம்பிடித்துக்கொண்டிருப்பது புரிந்தது. அருகில் சென்று பார்த்தேன். அவள் அந்த அழுக்கான பொம்மையினை வைத்திருப்பதை தவிர்க்க அந்த முதியவர்கள் எடுத்த முயற்சியினாலத்தான்; அவள் சிணுங்கினாள் என்பது புரிந்தது.
ஆனால் அந்த பொம்மைக்குள் அந்த சிறுமியின் எத்தனை அழகிய நினைவுகள் ஒழிந்திருக்குமோ என்ற எண்ணம் எனக்கு பொறிதட்டியது. இந்த பொம்மையை எப்படியாவது சிறுமியிடமிருந்து பெற்று. அதை சுத்தம் செய்து கொடுக்கவேண்டும் என்று மனதுக்கு பட்டது. அந்தச்சிறுமியை வெருட்டுவதுபோல பயம்காட்டி, அந்த பொம்மையை பிடுங்கிவந்து எந்தன் காவலரனில் வைத்தேன். நாளை அதை சுத்தம் செய்து அவளுக்கு கொடுக்கலாம் என்று. சத்தம் இல்லாமல் அவள் தேம்பித்தேம்பி அழுவது எனக்கு தெரிந்தது, மனதில் பெரும் வேதனை சூழ்ந்துகொண்டது.

இரவு 9 மணி இருக்கும் வெளியில் ஒரு மணிநேர சுற்றுக்காவலுக்கு நான் போய்வரவேண்டி இருந்தது. என் இடத்திற்கு வேறு பிரிவு இராணுவத்தினர் அந்த ஒரு மணிநேரத்திற்கு நிற்பார்கள். ஒரு மணி நேர சுற்றுக்காவல் நடவடிக்கையினை முடித்துக்கொண்டு திரும்பும் வேளையில் ஆவலாக, வந்து பொம்மையை பார்த்தேன் பொம்மையை காணவில்லை. சிறுமியை நினைத்து, அவள் நித்திரையாகியிருப்பாள் என முடிவெடுத்துக்கொண்டேன். கூடாரத்தின் பின்னால் தூரத்தில் ஒரு இராணுவ வீரன் சிறுமியை கூடாரத்தை நோக்கி அழைத்து வருவதை கண்டேன். அவன் அந்த சிறுமியை கூடாரத்தில் விட்டுவிட்டு, வெளியேறிவிட்டான்.
உடனடியாக சிறுமியை அவன் அழைத்துவந்த திசைநோக்கி சென்று பார்த்தேன் சற்று தொலைவில் முள்வேலியில் அந்த பொம்மை துண்டுதுண்டாக பிய்க்கப்பட்டிருந்தது.

மனதில் ஏதோ எல்லாம் செய்ய. வந்து என் காவல் நிலையத்தில் உக்கார்ந்துகொண்டேன். சற்று முன் எனக்கு சிங்களத்தில் கடைசியாக அந்தக்கிழவி சொன்ன கடைசி வசனத்தின் அர்த்தம் தெளிவாக புரியமுடிந்தது.
முதல் முதலாக என்னில் எனக்கே வெறுப்பு வந்தது.
இங்கேயே இந்தளவு கேவலாமாக நடப்பவர்கள், யுத்தமுனையில் இந்த மக்களை எப்படி எல்லாம் சீரழித்திருப்பார்கள் என மனம் நினைத்துப்பார்த்துமே உடல் நடுங்கியது. முதல் முதலாக நெஞ்சம் உண்மையின் பக்கம் நின்று பதை பதைத்தது. இருட்டுக்குள் கிடந்தவன் முகத்தில் பிரகாசமான ஒளி திடீரென ஒளிர்ந்தால் எப்படி கூசுமோ அப்படி மனதும், உடலும் கூசியது.

எப்படியோ அன்றிரவை கழித்தேன். மறுநாள் அவசரமாகச்சென்று காலைக்கடன்களை முடித்து விட்டு, அவசர அவசரமாக என் நிலைக்கு ஓடிவந்தேன்.
காரணம் என் கண்முன்னால் நடக்கும் அநியாயங்களையாவது முடிந்தவரை தடுத்துவிடலாம் என்ற துணிவுடன்.
அங்கே அந்த மக்கள் அனைவரும் நீண்ட வரிசையில் நின்றார்கள், ஏனெனில் தொண்டு நிறுவன அமைப்பு ஒன்று அவர்களுக்கு உணவாக ரொட்டிகளை கொடுத்துக்கொண்டிருந்தது. அந்தச்சிறுமி எங்கே என்று என் கண்கள் தேடின. அவளை அந்த வரிசையில் காணவில்லை. முளங்காலுக்குக்கீழே சொறண்டப்பட்டு, மாமா.. என்ற மழலை மொழியுடன், தன் கையில் இருந்த பண்ணை எனக்கு நீட்டியபடி, வஞ்சகம் இல்லாமல் என் முகத்தைப்பார்த்து புன்னகைத்துக்கொண்டிருந்தாள் அவள்.

புத்தன் போதிமர நிழலில் ஞானம் பெற்றபோது என்ன நிலை அடைந்தான் என நான் படித்ததுண்டு, அந்த நிலையினை அந்தக்கணம் நான் அடைந்தேன். என்னையும் அறியாமல் தாரை தாரையாக என் கண்களில் நீர் வழிந்தோடிக்கொண்டிருந்தன. என் கையில் இருந்த ஆயுதம் கையை விட்டு நழுவிய அதேகணம், நான் வாஞ்சையுடன் அவள் கன்னங்களை தொட்டபோது…
“புத்தம் சரணம் கச்சாமி” என்ற ஒலி என் காதுகளில் மட்டும் கேட்டது.
- ஜனா

மற்ற மூன்று கதைகள்:
வேலியோர பொம்மை மனம் -நிலாரசிகன்
சுடர் - அதி பிரதாபன்
மரப்பாச்சி பொம்மை- அடலேறு

Sunday, November 29, 2009

ஞாயிறு ஹொக்ரெயில். (29.11.2009)

ஒரு கருவில் நான்கு பதிவர்களின் கதை.
பதிவுலகில் புதிய முயற்சி.
நான்கு பதிவர்கள் (நிலாரசிகன், எவனோ ஒருவன் அதி பிரதாபன், அடலேறு, ஜனா)
சென்னை, கிழக்கு கடற்கரைச்சாலையில் உள்ள கடற்கரை ஒன்றில் பல மணித்தியாலங்களாக பல்வேறு பட்ட விவாதங்களை முன்னெடுத்துக்கொண்டு சென்றபோது உதித்த கரு ஒன்றினை வைத்து, வேறு வேறு கோணங்களிலும், அந்த கதையில் வரும் நான்கு பாத்திரங்களாக ஒவ்வொருவரும் எழுதுவதாகவும் எடுக்கப்பட்ட முடிவு, தற்போது முழுமைபெற்றுள்ளது.
நாளை திங்கட்கிழமை இந்த புதுமுயற்சியில் இந்த பதிவர்கள் நால்வரும் இணைந்து ஒரே நேரத்தில் பதிவுகளை இட தீர்மானித்துள்ளார்கள் என்பதையும், கண்டிப்பாக வாசிப்பபவர்களுக்கு இது ஒரு புதிய அனுபவமாக இருக்கும் என்பதையும் நம்பிக்கையுடன் கூறிக்கொள்கின்றேன்.

பிரகாஷ்ராஜ்ஜின் உணர்வு.
பிரகாஷ்ராஜின் நடிப்பு மட்டும் இன்றி அவரது எழுத்துக்களும் மிக அற்புதமாக இருக்கும் என்பது பல தமிழ்நாட்டு வார சஞ்சிகைகளில் அவரது தொடர்களை படித்திருக்கும் அனைவருக்கும் தெரிந்திருக்கும்.
இது தவிர அவர் ஈழ மக்களின் மேல் உண்மையான மதிப்பும், உணர்வும் பாசமும் கொண்டவர் என்பதும், சில உண்மைகளை அச்சமில்லாமல் வெளியிட தயங்குபவர் இல்லை என்பதும் சிலருக்கு தெரிந்திருக்கலாம்.
தமிழ் என்று தெரிவித்து, தமிழச்சி பால் குடித்தவன் என்றெல்லாம் திரைப்படப்பாடல்களில் காட்டி பணம் பாhத்து, யாழ்ப்பாண மண்ணின் பாசையிலேயே பேசி நடித்து அதிலும் அதிக இலாபம் அடைந்து, ஈழ மக்கள் பற்றி தனிப்பட்ட ரீதியில் வாயே திறக்காமல் இருக்கும் சுத்த தமிழ் நடிகர்களுக்கு மத்தியில் பிரகாஷ்ராஜ் ஒரு குண்டுமணி.


பிரகாஷ்ராஜ் தெனாலி இணைய இதழில் “தொடுவானம்” என்ற பெயரில் தொடர்ந்தும் எழுதிவருகின்றார்.
இதனைப்படிக்க
இங்கே சொடுக்கவும்

குறும்படம்.(BlastOff!)

நமக்கு பல கதைகளை தயார்செய்து வைத்துக்கொண்டு ஒரு குறும்படம் எடுப்பதற்கே படாதபாடு படவேண்டிய நிலையே இன்றும் உள்ளது. ஆனால் வெள்ளைத்தோல்கள் குறும்படங்களை எடுத்து அடுக்கிவிட்டு. இப்போது பெரும்பாலும் அனிமேசன் குறும்படங்களை பல செய்திகளை சொல்லவைத்து எடுத்து, வியப்பினை ஊட்டுகின்றார்கள்.

நான்போகிறேன் மேலே மேலே
சென்னை 600028 இன் யாரோ..யார் நெஞ்சில் இங்கு யாரோ என்ற பாடலின் பின்னர் கிட்டத்தட்ட இரண்டு வருடங்களின் பின்னர் எஸ்.பி.பாலசுப்பிரமணியம், சின்னக்குயில் சித்திரா (இவர் எப்பொதும் குரலால் சின்னக்குயில்தான்) ஆகியோர் பாடிய “நான் போகிறேன் மேலே மேலே பூலோகமே கீழே” என்ற பாடல் கேட்கும்போது இசை இனிக்கின்றது. நாணயம் திரைப்படத்தில் ஜேம்ஸ் வசந்தின் இசையில் இந்தப்பாடல் சுகமாக ஒலிக்கின்றது. தற்போது இசை ஆவலர்களின் ரிங்கிங் ரோனாகவும் இந்தப்பாடல் மாறியுள்ளது குறிப்படத்தக்கது.
அதெப்படி ஆயிரம் நிலவே வாவில் இருந்து நான் போகின்றேன் மேலேமேல வரை, எஸ்.பி.பியின் வயது ஏறினாலும் குரல் மெருகேறிக்கொண்டு போகின்றது என்பதுதான் பெரிய ஆச்சரியமாக உள்ளது.

உலகின் பிரபலமான 100 பேரில் மாயா அருட்பிரகாசம்.

மாதங்கி அருட்பிரகாசம் (மாயா) என்ற இயற்பெயரை கொண்ட, ஈழத்தைச்சேர்ந்த
பிரித்தானியாவில் பிறந்து வளர்ந்தவரான ஒரு தமிழ்ப்பெண் இவர்.
ஈழ மக்களின் உணர்வுகளையும் வேதனைகளையும், ஈழத்தவர்களின் மறப்போர் விபரத்தையும் இவர் தனது பாடல்கள்மூலம் வெளிக்காட்டியிருந்தார்.
2008ஆம் ஆண்டுக்கான கிராமி விருதுக்கு இவரது பெயரும் பரிந்தரைக்கப்பட்டிருந்தது.
Piracy Funds Terrorism (2004)
அருளர் (Arular, 2005)
பில்போர்ட் 200
போன்ற பல இசைத்தொகுப்புக்களையும் இவர் வெளியிட்டுள்ளார்.
சிறந்த 100 பேர் பட்டியிலில் 42 ஆவது இடத்தினை இவர் பிடித்துள்ளமை குறிப்பிடத்தக்கது. ஏ.ஆர்.ரஹ்மானுக்கு ஒஸ்கார் விருது கிடைத்த சிலம்டாக் பில்லியனர் படத்திலும் இவர் பாடியுள்ளார் என்பது குறிப்பிடத்தக்கது.
இந்த 100பேர் பட்டியலில் ஏ.ஆர்.ரஹ்மானும் இடம்பெற்றுள்ளார். அவர் 59அவது இடத்தில் உள்ளார்.
100 பேர் பட்டியலையும் மேலோட்டமாகப்பார்க்க..

சர்தாஜி ஜோக்
ஷர்தாஜியும் அவரது மனைவியும் கோப்பி சொப் ஒன்றுக்கு சென்று இரண்டு சுடு கோப்பிகள் வாங்கி குடித்தனர். விலை மனுவைப்பார்த்த ஷர்தாஜி….
கெதியாக கோப்பியை குடி என்றார்….ஏன் என்று கேட்ட மனைவிக்கு அங்கு தொங்கிக்கொண்டிருந்த விலை மனுவைக்காண்பித்தார் நம்ம ஷர்தாஜி
ஹெட் கோப்பி -05 ரூபா
கூல் கோப்பி -10 ரூபா.

Saturday, November 28, 2009

100 முக்கியமான பிரபலங்கள். (ரைம்ஸின் கணிப்பு)

ரைம்ஸ் பத்திரிகையின் கருத்துக்கணிப்பில் இந்த ஆண்டுக்கான (2009) உலகின் முக்கியமான 100 பேர் தெரிவு செய்யப்பட்ட செய்தியினை அறிந்திருப்பீர்கள். அந்த நாறுபேரும் கிழே உள்ளனர். அவர்கள் பற்றி விபரங்களை அறிய பெயரில் கிளிக் செய்க.

01. எட்வேர்ட் கெனடி

02. கோர்டன் பிரவுண்

03. கிறிஸ்ரின் லாஹர்ட்


04. தோமஸ் டார்ட்

05. ஆவிக்டர் லியிர்பர்மன்

06. ஜாஹ_ன் ஹ_ஸ்மன்

07. நவுறிஷி அல் -மல்ஹி

08. கிலாரி கிளின்டன்

09. சுசிலோ பம்பங் யுதோயோனா

10. பொறிஸ் ஜோன்ஸன்

11. நொரா அல்-பைஸ்

12. எலிசெபெத் வர்ரென்

13. போல் கஜமி

14. நிகலொஸ் ஷாகொசி

15. அங்கெலா மார்கெல்

16. வாங் குவிஸ்கான்

17. ஸி ஜிங்பிங்

18. டேவிட் மக்கிறனன்ட்

19. அஷ்பக் ஹலானி

20. பாரக் ஒபாமா

21. பிஷ் ஸ்ரோன், எவன் வில்லியம்ஸ் (ருவிஸ்ரர் பசங்க)

22. ரி.பூன் பிக்கன்

23. ரெட் ரேனர்

24. ரெஸ்ஸா ரோஸ்

25. கார்லொஸ் ஸ்லிம்


26. பிரட் பிட்


27. மெரிடித் வெட்னி


28. சுஸ் ஓர்மன்


29. லவ்ரன் ஷலாஸ்னிக்


30. திமோத்தி ஹெய்த்னர்


31. நந்தன் நில்கனி


32. ஸ்ரெல்லா மெக்கார்ட்னி


33. ஸேமஜ டைமொன்


34. சிய்லா பெயார்


35. மூட்


36. அலக்ஸாண்டர் மெட்வெட்டேவ்


37. அலன் முலாலி


38. ரொபின் சாஸ்


39. ஜக் மா


40. பேர்னி மட்டோவ்


41. ருஷ் லிம்பவுத்


42. எம்.ஐ.ஏ (மயா அருட்பிரகாசம்)


43. சாம், டான் ஹவுஸ்சர்ஸ்


44. கேட் வின்ஸ்லேட்


45. வேர்னர் ஹேர்ஷொக்


46. வில்லியம் ஹென்றிஜ்


47. பெனிலொப் கிரஸ்


48. லாங்க் லாங்க்


49. ஜோன் லெஜன்ட்


50. எலிசபெத் டெய்லர்


51. ஹஸ்ரோவோ டட்டமெல்


52. ஜெவ் ஹெனடி


53. ரவிஸ் ஸிமைலி


54. த வியூ


55. ஷக் எவ்ரோன்


56. ரினா பே


57. ரொம் ஹங்க்ஸ்


58. ஜய் லெனோ


59. ஏ.ஆர்.ரஹ்மான்


60. யுடித் ஜமிஷன்


61. மிஷ்சல் ஒபாமா


62. செஸ்லி பி.சுல்லன்பேர்கர்


63. ரிச்சார்ட் பிலிப்ஸ்


64. செத் பேர்க்லி


65. மிஷ்செல் ஏவிஸ்


66. லெனார்ட் அபீஸ்


67. ஹடிசாட்டோவோ மணி


68. ரிச் வர்ரன்


69. வான் ஜோன்ஸ்


70. சோமாலி மம்


71. ரபீல் நடால்


72. சுரஜா பக்ஷட்


73. ஜேவ் பிஷோஸ்


74. ரைகர் வூட்


75. ஜோர்ஜ் குலூனி


76. பிரடி ஹஸ்ரவ்ஸன்


77. சிஸ்ரர் மேரி ஸ்குலின்


78. ஓப்ரா வின்ப்பிரே


79. சாரா பலின்


80. மன்னி பக்குயாவோ


81. நவ்ரியல் ரொஹ்பினி


82. அமொரி லவிங்


83. ஜோன் பவறியோ


84. டமிஷா மொயோ


85. டான் பாபர்


86. ஜோய்ச்சிரோ நம்பு


87. ரொனால்ட் ப்ரியர்


88. மார்ட்டின் லிண்ட்ஸ்ரோம்.



89. புhர்பரா ஹோகன்


90. டேவிட் ஷெவ்


91. ஸ்ரிபன் ஷ_


92. போல் றுக்மன்


93. ஹோன்னி ஹெடிகார்ட்


94. டானியல் நொஸிரா


95. ஸ்ரீபன் ஸ்ருட்னர், வெப் மில்லர்


96. நிக்கலொஸ் கிறிஸ்ரக்கிஸ்


97. டோத் மெல்டன்


98. போல் எக்மான்


99. சாய் அகாஷி


100. நேட் சில்வர்



இந்த பதிவு எனது நூறாவது பதிவாகும். எனது நூறாவது பதிவினை ஏதாவது வித்தியாசமான தகவலாக பதிவேற்றம் செய்யவேண்டும் என்று எண்ணியபொழுது திடீர் என கிளிக்கான இந்த ஆண்டின் உலகின் மிகமுக்கியமான 100பேர் என்ற தலைப்பில் ரைம்ஸ் நடத்திய கருத்துக்கணிப்பில் தெரிவான நூறு பெயரை என் நாறாவது பதிவுக்கு கொண்டுவரவேண்டும் என்ற எண்ணம் நிறைவு செய்யப்பட்டுள்ளது.
இதேவேளை இந்த நூறாவது பதிவில், ஆரம்பம் முதல் எனக்கு உறுதுணையாக இருந்த நண்பர்கள். பதிவுலக நண்பர்கள், வாசகர்கள், திரட்டிகள், ஊடகங்கள், என அனைவருக்கும் எனது மனம் கனிந்த நன்றிகளை தெரிவித்துக்கொள்கின்றேன்.

LinkWithin

Related Posts with Thumbnails